Десет пожарникари се бореа со пожар на куќа во Струмица

Пожарникарите од Територијалната противпожарна единица Струмица ноќеска успешно изгаснаа пожар што избувнал на кровната конструкција на семејна куќа.

— реклама —

Интервенцијата започнала околу 23:30 часот, при што на терен биле ангажирани три противпожарни возила и 10 пожарникари-спасители.

— реклама —

— реклама —

Со брза и координирана акција, пожарот бил ставен под контрола, при што бил спасен поголем дел од покривот и било спречено негово ширење кон останатиот дел од куќата, како и кон соседните објекти.

— реклама —

Од Територијалната противпожарна единица Струмица информираат дека интервенцијата завршила успешно и без човечки жртви, а упатија благодарност до сите пожарникари-спасители за нивната професионалност, пожртвуваност и брза реакција.