Десетици случаи на мали сипаници во Шведска, повеќето заразени деца не биле вакцинирани

Десетици случаи на морбили се регистрирани во Шведска по епидемија поврзана со музичкиот фестивал „Уркулт“, кој во август се одржа во северниот дел на земјата. Меѓу заразените има и значителен број деца, од кои повеќето не биле вакцинирани.

— реклама —

Фестивалот го посетиле околу 10.000 луѓе, а влезот за децата бил бесплатен. Шведските здравствени власти спроведуваат епидемиолошко следење и ги контактираат лицата кои биле во близок контакт со заразените.

— реклама —

Епидемијата се појавува и покрај традиционално високата стапка на вакцинација во Шведска. Според податоците на Светската здравствена организација, опфатот со најмалку една доза од ММР вакцината во 2022 година бил околу 97 отсто, но оттогаш паднал на околу 93 отсто.

Експертите предупредуваат дека за одржување на колективниот имунитет против морбили е потребно најмалку 95 отсто од населението да биде целосно вакцинирано со две дози. Бидејќи морбилите се исклучително заразни, падот на опфатот може да овозможи повторно ширење на вирусот.

— реклама —

Шведските власти преземаат дополнителни мерки, вклучително и следење на контактите и кампањи за вакцинација на возрасни кои не се целосно имунизирани. По појавата на епидемијата, значително се зголемил и интересот за ММР вакцината, а една здравствена установа пријавила зголемување од 450 отсто на барањата за вакцинација.

ММР вакцината се смета за главна заштита од морбили, заушки и рубеола, а европските здравствени институции ја оценуваат како безбедна и ефикасна.