(Видео) Меч за паметење во Шведска: 11 гола во едно полувреме, победнички гол во 90+9. минута!

Фудбалски спектакл со неверојатен пресврт се одигра во Солна, каде што Бромапојкарна го победи АИК со 6:5 во натпревар од 23. коло на шведското првенство. Сите 11 гола беа постигнати во второто полувреме, а победничкиот погодок падна во деветтата минута од судиското продолжение.

Најдраматичниот момент се случи во самата завршница, кога во рок од само две минути беа постигнати два гола. АИК израмни на 5:5 во 90+8. минута, но радоста на домашните навивачи траеше многу кратко.

— реклама —

Веќе во следната акција, Хансен ја затресе мрежата на АИК за конечни 6:5 и донесе неверојатна победа за гостите.

— реклама —

Но, вистинското лудило започна уште порано. Бромапојкарна имаше убедливо водство од 5:1 во 73. минута и се чинеше дека сигурно ќе стигне до триумфот. Сепак, гостите дозволија противникот да се врати во игра, а АИК почна да постигнува гол по гол, постепено намалувајќи ја негативата.

— реклама —

Домашните фудбалери успеаја да стигнат до неверојатни 5:5, пред во последните секунди да следува нов шок за нивните навивачи.

Натпреварот во Солна понуди сè што го прави фудбалот возбудлив – голови, пресврти, драматична завршница и победнички погодок во последната можна акција.

Вистински фудбалски спектакл и меч што долго ќе се памети!