МВР соопшти дека денеска околу 12 часот пред Градската општа болница „Борка Талески“ во Прилеп избила масовна тепачка во која биле вклучени повеќе лица. Во пресметката биле користени дрвени и други предмети.
На местото интервенирала полицијата, но учесниците не ги послушале наредбите да престанат. Во еден момент, еден од полициските службеници испукал неколку истрели во воздух од службениот пиштол за да ја смири ситуацијата.
Во полициската станица во Прилеп биле приведени 13 лица. По целосно документирање на случајот, против нив ќе бидат поднесени соодветни кривични пријави.
