Драма се случила во српскиот град Младеновац, каде што 12-годишно момче се здобило со тешки повреди откако врз него се урнала конструкција од автобуска постојка.
Според српските медиуми, момчето по несреќата било итно пренесено во детска болница во Белград, каде што е хоспитализирано во критична состојба, а лекарите се борат за неговиот живот.
Очевидци изјавиле дека несреќата се случила кога детето се фатило за конструкцијата на автобуската постојка, по што металната структура попуштила и се урнала врз него.
На местото брзо пристигнала екипа на Итната медицинска помош, која му укажала прва помош и го транспортирала во болница.
За случајот се известени полицијата и надлежното обвинителство, а во тек е истрага што треба да ги утврди сите околности под кои дошло до несреќата.
