Девет членки на ЕУ усвоија: „Кој го оправдува геноцидот не може во ЕУ“

Девет медитерански членки на Европската Унија во Сплит се усогласија дека оправдувањето на воените злосторства и геноцидот претставува политичка пречка за влез во ЕУ. Во Сплитската декларација, усвоена на самитот на групата MED9, Хрватска постигна консензус таквото однесување да биде поставено како услов за земјите кандидатки.

— реклама —

— реклама —

Во декларацијата, лидерите од земјите кандидатки бараат „вистинска посветеност на помирувањето и недвосмислено отфрлање на оправдувањето на воените злосторства и геноцидот“.

— реклама —

— реклама —

Истовремено, групата MED9 потврдува дека иднината на Западен Балкан ја гледа во Европската Унија и проширувањето го опишува како геостратешка инвестиција во мирот, безбедноста и просперитетот. Со тоа, покрај постојните услови како реформите, владеењето на правото и добрососедските односи, се става акцент и на односот кон воените злосторства.