Девет деца загинаа од нагазна мина во Авганистан

Девет деца загинаа во источен Авганистан од стара нагазна мина со која си играле.

— реклама —

Портпаролот на талибанците Хамидула Нисар изјави дека мината, која децата ја пронашле во близина на нивното село во провинцијата Газни, е стара неколку децении и дека експлодирала додека си играле со неа.

— реклама —

— реклама —

Тој додаде дека се убиени пет момчиња и четири девојчиња на возраст меѓу пет и 10 години.

Ваквите инциденти се вообичаени во Авганистан, бидејќи има многу мини и оружје останати од војните, на кои децата наидуваат кога собираат старо железо, од кое ги издржуваат своите семејства.