Девет лица уапсени, пронајдени марихуана и прашкаста материја

Девет лица се лишени од слобода во одделни полициски акции спроведени во Скопје, Македонска Каменица и виничко, откако кај нив била пронајдена дрога, информира Министерството за внатрешни работи.

— реклама —

Во Скопје, на 10 јули, полициски службеници од СВР Скопје ги привеле А.И. (22), Д.С. (24) и Д.И. (26), сите од Скопје, П.С. (20) и Л.Д. (19) од селото Волково, како и М.Б. (30) од Норвешка. При преглед кај нив биле пронајдени и одземени марихуана и бела прашкаста материја.

— реклама —

Претходно, на 9 јули околу 22 часот, кај местото викано „Препиш“, во близина на браната „Калиманци“, полициски службеници од Полициското одделение Македонска Каменица го лишиле од слобода А.И. (23) од селото Саса. Според МВР, при обид за негово легитимирање тој се обидел да избега, при што фрлил бела прашкаста материја.

Истата вечер, околу 23:55 часот, на влезот во селото Истибања, во заедничка акција на полициски службеници од ОВР Кочани, ОВР Делчево и Полициското одделение Македонска Каменица, биле приведени Ј.Ј. (25) и А.Л. (41), двајцата од Кочани.

— реклама —

При преглед на патничко возило „субару“ со кочански регистарски ознаки, управувано од Ј.Ј., во кое се превезувал и А.Л., била пронајдена и одземена бела прашкаста материја.

— реклама —

Од МВР соопштија дека по целосното документирање на сите случаи ќе бидат поднесени соодветни поднесоци против приведените лица.