Родителството носи бројни предизвици, а многу родители често се прашуваат дали ги воспитуваат своите деца на вистински начин. Според психолозите, на децата не им се потребни совршени родители, туку луѓе покрај кои ќе се чувствуваат безбедно, сакано и прифатено.
Чувството на сигурност се гради преку секојдневната комуникација и односот што родителите го создаваат со своите деца. Токму тоа, според психологот и мајка, Џејми Блок, е основата за развој на самодоверба, емоционална стабилност и здрави односи во иднина.
Таа издвојува девет знаци кои покажуваат дека сте родител на кого детето му верува и покрај кого се чувствува сигурно:
Го слушате детето без веднаш да нудите решение;
Знаете да се извините кога ќе згрешите;
Не ги префрлате сопствените емоции врз детето;
Не го споредувате со други деца;
Го сакате без услови;
Навистина сте присутни во неговиот живот;
Поставувате јасни и доследни граници;
Ја поттикнувате неговата самостојност;
Ги истакнувате неговите доблести и успеси.
Блок нагласува дека сигурното родителство не значи секогаш да се има вистинскиот одговор или никогаш да не се прават грешки. Напротив, важно е родителите да знаат да ги препознаат своите пропусти и да ги исправат.
„Најважно е детето да знае дека секогаш може да ви се обрати кога му е потребна помош, поддршка или разбирање“, истакнува психологот.
