Деветмина уапсени поради дрога во повеќе градови

Девет лица се лишени од слобода во одделни полициски акции спроведени во Скопје, Гостивар и Прилеп, откако кај нив била пронајдена дрога, информира Министерството за внатрешни работи.

— реклама —

Во текот на 6 и 7 јули, на повеќе локации во Скопје, полициски службеници ги привеле Н.Ч. (32), З.Т. (26), Д.М. (22), Б.Е. (20) и Е.Ш. (30), сите од Скопје. При преглед кај нив биле пронајдени и одземени бела прашкаста материја, грутчеста материја и марихуана.

— реклама —

Во село Леуново, гостиварско, околу 00:30 часот на 7 јули, полициски службеници од ОВР Гостивар го лишиле од слобода А.Л. (27) од тетовското село Шипковица, кај кого при преглед била пронајдена бела прашкаста материја.

Истиот ден, во 15:20 часот, на улицата „Александар Македонски“ во Прилеп, полицијата ги привела А.П. (41) и Н.Н. (25), двајцата од Прилеп, откако при контрола на автомобил „сеат“ со прилепски регистарски таблички, во кој се превезувале, била пронајдена марихуана.

— реклама —

Подоцна, околу 18:00 часот, во близина на вештачкото езеро во Прилеп, бил лишен од слобода и М.Ц. (31) од Прилеп, кај кого при преглед била пронајдена марихуана.

— реклама —

Од МВР информираат дека по целосното документирање на сите случаи, против приведените ќе бидат поднесени соодветни поднесоци.