Мики Тодоров, директор на затворот во Штип, за кого стигнаа обвинувања дека претепал активист на Левица, за „Скопје1“ посочува дека станува збор за невистини. Тој признава само дека имало средба помеѓу него и штипјанецот Јован Јанев. Но, Тодоров тврди дека имало вербални провокации, но не и боксови.
„Не е точно, никој не бил тепан ниту физички нападнат, ги демантирам тие невистини. Вербално само возвратив на провокации кои цело време ги прави ова лице, но не дозволив да успеат овие провокации ниту да ескалира состојбата. Основано се сомневам во било каков извештај, доколу постои таков навистина, и затоа на суд ќе се докаже целата вистина“, посочува Тодоров за „Скопје1“.
Претходно, Јанев посочи дека бил натепан од Тодоров среде клуб во Штип. Објави дека бил удиран по гради и стомак. Пратеникот на Левица, Борислав Крмов, објави и лекарски изшветај од кој се гледа дека Јанев имал повреди.
(Документ) Боксови во стомак и гради: директорот на штипскиот затвор обвинет за претепување на штипјанец
Штипјанецот Јован Јанев, активист на Левица и студент на Правен факултет, тврди дека бил тепан од директорот на затворот во Штип, Мики Тодоров. Според неговата објава, нападот се случил во јавен локал, а тврди дека причината е политичка.„Вчера околу 02:00 бев физички нападнат од страна на директорот на затворот во Штип истакнат член на СДСМ во локалот 'Клик'. Причина е герила акцијата од 8-ми Ноември на која тој беше делегат. Хронологија: Во средина на краток муабет со мои двајца пријатели во ходникот од тоалетот, изненадно влета директорот и веднаш ми зададе серија на тупаници во стомак и гради (лукаво знаејќи дека во лице ќе биде видлива повреда). При тоа се обидуваше да ги избрка луѓето од ходникот на тоалетот за да останеме сами и за “да му покажам јас на него”“, сведочи Јанев.Тој додава дека не возвраќал на ударите.„Се извлеков и на среќа дојде професионалното и спремно обезбедување на локалот Клик да интервенира кои ги поздравувам за нивната професионалност. Причината е политичка! Но, ако некој мисли дека некогаш ќе се исплашиме и ќе се предадеме - се лаже. Ако мислите дека револуцијата ќе застане - се лажете. Сега СДС се како есенски лисја пред паѓање - а есенските лисја кратко траат на штипските силни ветрови“, додава тој.На социјалните мрежи, пратеникот на Левица, Борислав Крмов објави и лекарски извештај од нападнатиот Јанев.„Скопје1“ побара став и од директорот Тодоров, од кого очекува одговор.
Македонија | пред 2 години
