Дизелот со попуст од два денари по литар, мерката ќе важи до 2 ноември

ОКТА продолжува со мерките за поддршка на домашниот пазар на горива, воведувајќи привремен попуст од два денари по литар дизел. Попустот стапува во сила денеска, 20 октомври, и ќе важи до 2 ноември 2026 година.

— реклама —

Намалувањето ќе се однесува на дизел-горивото што ОКТА АД – Скопје им го испорачува на трговците на големо и на мало. Крајните малопродажни цени и понатаму ќе ги определуваат самите трговци, согласно со своите комерцијални политики и актуелните пазарни услови.

— реклама —

— реклама —

Оваа мерка е дел од низата активности што компанијата ги спроведува од март 2026 година за ублажување на влијанието од нестабилноста на меѓународните пазари и за поддршка на стабилноста и конкурентноста на домашниот пазар на горива.

Со најновиот попуст, вкупната вредност на поддршката што ОКТА ја обезбедува за домашниот пазар од март годинава се очекува да достигне приближно осум милиони евра. Од компанијата посочуваат дека на овој начин ја потврдуваат својата посветеност на поддршката на потрошувачите, бизнисите и пошироката економија во периоди на зголемена пазарна нестабилност.