Русија ја ублажува забраната за извоз на дизел: 500.000 тони ќе стигнат на светскиот пазар

Руската влада во саботата делумно ја укина забраната за извоз на дизел-гориво, овозможувајќи во почетната фаза на светскиот пазар да бидат пласирани 500.000 тони од овој енергент.

— реклама —

Одлуката стапува во сила во рамките на договорот меѓу рускиот претседател Владимир Путин и американскиот претседател Доналд Трамп, соопшти руската влада.

— реклама —

Според одлуката, руските нафтени компании веднаш ќе почнат да договараат испораки на дизел со странски партнери, со согласност од владата, пренесе руската новинска агенција ТАСС.

Трамп во петокот изјави дека во разговорот со Путин било договорено Русија да испорача неколку милиони тони дизел-гориво на американскиот и на светскиот пазар. Тој оцени дека тоа би можело брзо и значително да ги намали цените на овој енергент.

— реклама —

На својата социјална мрежа „Трут соушл“, Трамп наведе дека Русија веднаш ќе испорача повеќе од 300.000 тони дизел, дополнителни 500.000 тони во текот на ноември, а потоа и уште еден милион тони во наредниот период.

Рускиот претседател, по разговорот со Трамп, изјави дека Москва ја потврдила подготвеноста да испорачува нафта и нафтени деривати на американскиот и на светскиот пазар.