Светските резерви на дизелот на најниско ниво во последните 35 години

Залихите на дизел во одредени делови од светот се на најниско ниво за почетокот на ноември во последните 35 години, предупреди извршниот директор на државната нафтена компанија на Обединетите Арапски Емирати, АДНОК, Султан ал Џабер.

— реклама —

Говорејќи на конференцијата АДИПЕК, тој посочи дека глобалните залихи на нафта се намалиле за речиси една милијарда барели од почетокот на војната на Блискиот Исток кон крајот на февруари и нарушувањата на поморскиот сообраќај низ Ормускиот Теснец. Со тоа, значително се намалиле и резервите што служат како заштита од прекини во снабдувањето со енергенси.

— реклама —

Ал Џабер предупреди дека цените на дизелот на многу пазари нагло пораснале и достигнале рекордни вредности, зголемувајќи ги инфлаторните притисоци и трошоците за живот. Тој оцени дека се потребни поголеми стратешки складишта, повисоки резерви на нафтени деривати и пофлексибилни капацитети за преработка поблиску до потрошувачките пазари.

— реклама —

Според него, трошоците за транспорт и логистика сега достигнуваат 30 проценти од цената на барел нафта, наспроти околу пет проценти пред војната со Иран.

— реклама —

Конференцијата АДИПЕК се одржува од 2 до 5 ноември во Абу Даби, а една од главните теми е состојбата на светскиот пазар на енергенси.