До 31 декември работодавачите треба да го исплатат К-15, минималниот износ е околу 19.000 денари

Работниците во приватниот сектор и во 2026 година имаат право на регрес за годишен одмор, познат како К-15, кој работодавачите треба да го исплатат најдоцна до 31 декември.

— реклама —

Минималниот износ на регресот за оваа година е околу 19.116 денари. Право на К-15 имаат вработените кои во текот на календарската година работеле најмалку шест месеци непрекинато кај истиот работодавач.

— реклама —

Висината на регресот не е фиксна, туку се утврдува врз основа на просечната месечна нето-плата по работник во државата, исплатена во последните три месеци пред месецот во кој се исплаќа К-15.

Според правилата, регресот треба да изнесува најмалку 40 отсто од просечната нето-плата, исплатена во последните три месеци. Во зависност од условите утврдени со колективниот договор, работодавачот може да исплати и повисок износ, а максималниот неоданочен износ може да достигне до 100 отсто од просечната плата.

— реклама —

Крајниот рок за исплата е 31 декември во тековната година.

— реклама —

За работодавачите кои нема да го исплатат регресот, се предвидени парични санкции. Санкции се предвидени и доколку работникот биде присилен да му го врати исплатениот К-15 во готовина, а за ваквото постапување може да следува и затворска казна до една година.