Едно лице загина, а две се повредени во експлозија што се случи синоќа во дворот на семејна куќа во место близу Панчево (Србија). Загина Драган П., додека двајца мажи се повредени и пренесени во здравствена установа.
Според соопштението на Министерството за внатрешни работи на Србија, експлозијата настанала како последица на активирање на експлозивна направа. Веднаш по пријавата, полицијата го обезбедила местото на настанот, а истрагата се спроведува во соработка со Вишото јавно обвинителство во Панчево.
Според неофицијални информации, трагедијата се случила за време на дружење на неколку лица во дворот на куќата, при што имало и музика.
Според тие информации, во еден момент тројцата мажи си фрлале бомба еден на друг, кога дошло до активирање на експлозивната направа.
Драган П. им подлегнал на повредите на самото место, додека другите двајца мажи се повредени и згрижени во надлежна здравствена установа.
Припадниците на Министерството за внатрешни работи продолжуваат со работата за утврдување на сите факти и околности за настанот, како и на причината што довела до активирање на експлозивната направа.
