Доjави за бомби во Загреб: евакуирани неколку трговски центри

Полицијата во Загреб утрово нареди евакуација на повеќе трговски центри по пристигнати дојави за наводно поставени експлозивни направи, кои биле испратени на адреси на неколку медиуми.

— реклама —

Според првичните информации, евакуирани се посетителите и вработените од „Arena Centar“, „Avenue Mall Zagreb“ и „City Center one East“, додека полицијата врши проверки на сите локации.

— реклама —

Очевидци наведуваат дека околу 8 часот се слушнале аларми и дека полициски службеници биле поставени на влезовите на објектите, со цел да се обезбеди просторот и да се спроведе проверка.

— реклама —

Од загрепската полиција засега кратко соопштуваат дека постапувањето е во тек, без да објават дополнителни детали.

— реклама —

Се очекуваат повеќе информации по завршување на безбедносните проверки.