„Донесовме одлука за намалување на цените на училишниот прибор за да го олесниме товарот врз семејниот буџет“, вели Мицкоски

Владата донесе одлука за намалување на цените на училишниот прибор пред почетокот на новата учебна година, со цел да се намалат трошоците за семејствата, информира премиерот Христијан Мицкоски.

— реклама —

Според одлуката, цените во трговијата на големо ќе бидат намалени за 10 отсто, додека во трговијата на мало намалувањето ќе изнесува до 15 отсто. Мерката го опфаќа целокупниот училишен прибор, вклучително и тетратки, моливи, пенкала, гуми, блокови и ранци.

— реклама —

Мицкоски посочи дека намалените цени треба јасно да бидат означени во продажните места, а мерката ќе важи до 30 септември.

— реклама —

„Очекуваме на овој начин пред почетокот на учебната година на родителите да им ги олесниме овие почетни училишни денови, односно да може да се генерира заштеда во семејниот буџет“, рече Мицкоски.

Премиерот оцени дека мерката ќе им помогне на семејствата полесно да ги покријат трошоците поврзани со почетокот на учебната година.