Дошол без долна облека и ги кренал нозете на седиштето: Патник на „Рајанер“ казнет со 200 евра

Патник на авиокомпанијата „Рајанер“ е приведен веднаш по слетувањето на аеродромот во Загреб поради непристојно однесување за време на летот. Станува збор за 47-годишен ИТ-специјалист кој допатувал во Загреб службено, објави „Јутарњи лист“.

— реклама —

Полицијата го привела во неделата во 00:49 часот на аеродромот „Фрањо Туѓман“, по што бил изведен пред суд.

— реклама —

Според пријавата, мажот го нарушувал јавниот ред и мир и ги повредувал моралните чувства на другите патници. Во текот на летот постојано ги држел нозете кренати врз потпирачот на седиштето пред него. Бидејќи носел традиционален шкотски килт, односно здолниште, без долна облека, другите патници и членовите на кабинскиот екипаж биле изложени на поглед кон неговите интимни делови.

— реклама —

Против него била поднесена пријава за прекршување на член 14 од Законот за прекршоци против јавниот ред и мир.

На општинскиот суд тој ја признал вината, по што му била изречена парична казна од 200 евра. Бидејќи поминал еден ден во полициски притвор на аеродромот, во вредност од 39,82 евра, тој износ ќе му биде одбиен од вкупната казна што треба да ја плати откако пресудата ќе стане правосилна.