Дошол да го раскине договорот за закуп на стан, па бил нападнат од сопственикот на станот и агентот за недвижности

75-годишен жител на Скопје пријавил во полиција дека бил физички нападнат по расправија поврзана со стан што го користел под закуп на подрачјето на Карпош.

— реклама —

Како што информира МВР, на 16 јуни во 01:30 часот во СВР Скопје, Б.Т. (75) пријавил дека претходниот ден околу 16:00 часот бил физички нападнат од С.К. и А.Н.

— реклама —

Според пријавата, тој заедно со својот внук дошол пред зградата каде што имал изнајмен стан, со намера да го раскине договорот за закуп. Таму бил пречекан од сопственикот на станот С.К. и од А.Н., претставник на агенција за недвижности.

— реклама —

Додека ја отклучувал влезната врата, Б.Т. тврди дека бил удрен по раката од С.К., по што му возвратил со метална прачка. Потоа, според неговата изјава, С.К. и А.Н. физички го нападнале.

— реклама —

Од полицијата велат дека се преземаат мерки за целосно расчистување на случајот.