Работник на аеродромот во Франкфурт починал од маларија откако, според наводите на операторот на аеродромот „Фрапорт“, бил каснат од комарец кој најверојатно пристигнал со авион.
Во појавата на маларија на аеродромот досега се заразиле шестмина вработени, од кои петмина се хоспитализирани, објави Би-би-си.
Германските здравствени власти се сомневаат дека комарците пристигнале со авион на најпрометниот аеродром во Германија. На аеродромот се поставени стапици, а фатените комарци ќе бидат лабораториски анализирани за да се утврди нивниот вид и потекло.
Од „Фрапорт“ соопштија дека вработените се информирани за ризикот и се охрабруваат да побараат лекарска помош доколку почувствуваат симптоми.
