Драма на аеродромот во Сплит: Авион излета од пистата при полетување

На аеродромот во Сплит денеска се случил инцидент при полетување на авион на Croatia Airlines, јавуваат хрватските медиуми.

— реклама —

Според првичните информации, авионот требало да полета кон Франкфурт, но од засега непознати причини излетал од пистата и завршил на тревната површина покрај неа.

Инцидентот се случил околу 13:30 часот за време на полетувањето, кога авионот „Ербас А220“ излетал од пистата и удрил во вертикален маркер и рабни делови покрај пистата.

— реклама —

Во авионот имало 130 патници и пет членови на екипажот. Од аеродромот и авиокомпанијата соопштија дека сите патници и членови на екипажот биле безбедно евакуирани и никој не е повреден.

— реклама —

„Посадата постапила согласно безбедносните процедури и го запрела авионот“, соопштија од Croatia Airlines.

Патниците биле префрлени во терминалната зграда, каде што им е обезбедена поддршка за продолжување на патувањето.

— реклама —

Од аеродромот во Сплит информираа дека соработуваат со надлежните воздухопловни служби и агенциите за истрага на несреќи, а причините за инцидентот дополнително ќе се утврдуваат.