Аеродромот „Свети Јероним“ во Сплит повторно беше привремено затворен, откако на авион на шпанската авиокомпанија „Иберија“ му пукнала гума при слетување, објави „Слободна Далмација“.
Инцидентот се случил по слетувањето на летот IB0945 од Мадрид, кога на авионот „Ербас“ му пукнала гума на предниот стаен трап, поради што леталото останало на пистата.
Во авионот имало 172 патници и шест членови на екипажот, а според надлежните, никој не е повреден. Сите патници безбедно биле евакуирани и пренесени во терминалот.
Пистата привремено била затворена додека траело отстранувањето на авионот и обезбедувањето услови за нормализирање на воздушниот сообраќај.
Ова е втор инцидент на сплитскиот аеродром за помалку од 24 часа, откако претходно воздушниот сообраќај беше запрен поради појава на дрон во близина на пистата.
