Драма на плажа во Сиднеј: Жена со тешки повреди пренесена во болница

Жена се здоби со тешки повреди откако беше нападната од ајкула на популарната плажа Куџи во источниот дел на Сиднеј, по што властите затворија неколку плажи во околината.

Итните служби биле повикани непосредно пред 11:15 часот по локално време, откако капачи ја извлекле повредената жена од морето. Според првичните информации, станува збор за жена во триесеттите години од животот.

— реклама —

Австралиските медиуми објавија дека таа се здобила со сериозни повреди на раката и ногата.

— реклама —

Медицински тимови ѝ укажале прва помош на самата плажа, по што била подготвена за воздушен транспорт до болница.

Во спасувачката акција учествувале оператор на спасувачки чамец и лице на даска за веслање, кои помогнале повредената жена да биде извлечена на брегот.

— реклама —

Неколку очевидци изјавиле дека непосредно пред нападот забележале ајкула во водите во близина на плажата.

— реклама —

По инцидентот, властите веднаш го евакуирале морскиот простор и ја затвориле плажата Куџи, како и други плажи на подрачјето на општината Рандвик.

Австралиските власти започнаа истрага за околностите под кои се случил нападот. Плажите ќе останат затворени сѐ додека надлежните служби не проценат дека подрачјето е безбедно за капачите и посетителите.