Драма во Атлантикот: Спасени повеќе од 300 мигранти, меѓу нив и 40 деца

Повеќе од 300 мигранти, меѓу кои и 40 деца, се спасени во близина на брегот на Мавританија, додека со дрвен чамец се обидувале да стигнат до Канарските Острови.

— реклама —

Мавританската крајбрежна стража соопшти дека мигрантите биле пронајдени во ноќта меѓу средата и четвртокот во тешка состојба, во близина на рибарското пристаниште Нуадибу.

— реклама —

Во чамецот имало вкупно 315 лица – 191 од Сенегал, 123 од Гамбија и едно лице од Мали. Меѓу нив имало мажи, жени и малолетници, вклучително и бебиња.

Според надлежните, чамецот тргнал од Гамбија, а мигрантите најверојатно се обидувале преку Атлантскиот Океан да стигнат до Канарските Острови.

— реклама —

Во последните месеци стотици мигранти, главно од Сенегал, Гамбија и Мали, биле спасени во мавританските води при обиди да стигнат до Европа. Сепак, голем број луѓе ги загубиле животите или се водат како исчезнати откако нивните чамци потонале.