Драма во Истанбул: Брод скршнал од курсот и удрил во сè што му се нашло на патот

Паника избила во текот на ноќта во Истанбул откако голем патнички брод, кој пловел по Босфорот, од засега непознати причини ја изгубил контролата и се упатил кон брегот.

— реклама —

Според изјавата на инфлуенсерката Дениз Мермерџи, која живее во историската вила „Казаскер Неџметин Ефенди“, бродот најпрво удрил во луксузна јахта закотвена пред вилата. Потоа, бидејќи не успеал да запре, продолжил кон брегот и удрил директно во градината на вилата, стара околу 200 години.

— реклама —

Инцидентот се случил околу 23:30 часот. Според снимките од безбедносните камери, кормилото на бродот било заклучено, а неговото движење предизвикало голема паника меѓу жителите на вилата, кои истрчале на улица.

Во инцидентот биле оштетени вилата и јахтата, а пристаништето пред објектот, според Мермерџи, било целосно уништено. Нема информации за загинати или повредени.

— реклама —

Мермерџи изјавила дека нејзините деца претрпеле голема траума по инцидентот. Таа најавила дека ќе покрене правна постапка и ќе поднесе тужба против одговорните.

— реклама —

Снимките од безбедносните камери се разгледуваат, додека технички тимови го истражуваат дефектот на бродот и причините поради кои тој го напуштил пловниот правец.