Дрога пронајдена кај седум лица во Скопје и Битола, следуваат пријави

Седум лица се лишени од слобода во одделни полициски акции спроведени во Скопје и Битола, откако кај нив била пронајдена дрога, соопшти Министерството за внатрешни работи.

— реклама —

Во текот на ноќта меѓу 7 и 8 јули, на повеќе локации во Скопје, полициски службеници од СВР Скопје ги привеле Г.А. (25), М.Р. (23), А.Ф. (36), Љ.М. (18) и 25-годишната С.С., сите од Скопје. При прегледот кај нив биле пронајдени и одземени кафеава материја, прашкаста материја, марихуана, како и дробилка со остатоци од марихуана.

— реклама —

— реклама —

Во посебна акција, на 7 јули околу 23:10 часот, на различни локации во Битола, полициски службеници од СВР Битола ги лишиле од слобода Ф.Ф. (32) и М.И. (33), двајцата од Битола, бидејќи при преглед кај нив била пронајдена марихуана.

— реклама —

По целосното документирање на двата случаи, против приведените ќе бидат поднесени соодветни пријави.