На Граничниот премин Табановце вчера бил лишен од слобода 19-годишен државјанин на Австрија, откако при контрола кај него биле пронајдени наркотични средства и предмети поврзани со нивна употреба.
Како што информираат од Министерството за внатрешни работи, на 23 јуни околу 13 часот, при влез во државата, полициски службеници извршиле преглед на патничко возило „тојота“ со австриски регистарски ознаки, во кое Ј.М.Ш.(19) бил сопатник.
При прегледот на неговиот ранец биле пронајдени и одземени пакувања со марихуана, течна материја, како и две лулиња.
Лицето било задржано во полициска станица, а по целосното документирање на случајот против него ќе биде поднесена соодветна пријава.
