Дрон се урна во Литванија, НАТО испрати борбени авиони

Дрон се урна во северниот дел на Литванија, откако најверојатно влегол во воздушниот простор на земјата од соседна Полска. Министерот за одбрана Робертас Каунас денеска го потврди инцидентот, при што остатоците од леталото оштетиле автомобил, но нема повредени, соопшти шефот на Националниот центар за управување со кризи, Вилмантас Виткаускас.

— реклама —

Засега не е познато дали дронот носел експлозив, а истрагата е во тек. Претходно, властите ги повикаа жителите на централните и северните делови на земјата да се упатат во засолништа поради неидентификуван летечки објект.

— реклама —

Во областа биле испратени борбени авиони од мисијата на НАТО за воздушно патролирање, додека аеродромот во Каунас бил затворен околу еден час.

— реклама —

Полската војска, исто така, денеска пријавила можна повреда на својот воздушен простор. Во изминатите месеци, украински дронови во повеќе наврати навлегле во воздушниот простор на земјите од балтичкиот регион кои се членки на НАТО.

Киев соопшти дека леталата отстапиле од планираната патека поради руско попречување на сигналот. Инцидентите предизвикуваат загриженост дека војната на Русија против Украина би можела да се прошири и надвор од украинските граници, кон територијата на НАТО.