Тензии над Егејското Море: Турски дронови и авион 14 пати навлегле во грчкиот воздушен простор

Генералштабот на грчката војска денеска соопшти дека пет турски беспилотни летала (дронови) и еден извидувачки авион CN-235 во текот на денот 14 пати го нарушиле грчкиот воздушен простор.

— реклама —

Турските летала се движеле над североисточниот, централниот и југоисточниот дел на Егејското Море. Покрај 14-те нарушувања на националниот воздушен простор, биле регистрирани и 10 прекршувања на правилата за воздушен сообраќај во рамките на Атинскиот регион за информирање на летови (FIR), пренесува „Прототема“.

— реклама —

— реклама —

Од вкупно 14 нарушувања на воздушниот простор, девет биле предизвикани од беспилотните летала, а пет од авионот CN-235.

Според Генералштабот на грчката војска, турските летала биле идентификувани и пресретнати во согласност со меѓународните правила и воспоставените процедури.