Дронови нападнаа два трговски брода во бугарските води во Црното Море, свикан итен состанок на бугарските власти

Два товарни брода биле погодени од беспилотни летала во бугарската ексклузивна економска зона во Црното Море, во близина на Варна, по што била започната голема спасувачка операција.

— реклама —

Според првичните информации што ги пренесуваат бугарските медиуми, станува збор за бродовите „ALFA WATAN“, со знаме на Того, и „ABLE“, кој плови под знамето на Палау.

— реклама —

Ова се опишува како прв ваков напад врз трговски бродови во ексклузивната економска зона на Бугарија во Црното Море. Засега нема официјални информации за состојбата и судбината на членовите на екипажите.

По инцидентот, бугарскиот премиер Румен Радев свикал итен состанок со претставници на надлежните институции. На состанокот ќе учествуваат претставници на министерствата за одбрана, внатрешни работи, транспорт и животна средина и води, како и претставници на претседателската институција и безбедносните служби.

— реклама —

Поради инцидентот, бугарската претседателка Илијана Јотова ја откажала планираната посета на Велико Трново, објави БТА.

— реклама —

Во Црното Море во моментов продолжува спасувачката операција, додека бугарските институции ги утврдуваат околностите поврзани со нападот.