Државјанин на Македонија со нож нападнал Србин на брод во Хрватска, осомничен е за обид за убиство

Жупаниското државно обвинителство во Пула отвори истрага против 55-годишен државјанин на Македонија, кој е осомничен за обид за убиство на 48-годишен државјанин на Србија при инцидент што се случил на брод во близина на Медулин.

— реклама —

Според Обвинителството, постои основано сомнение дека осомничениот на 13 јули, со намера да го лиши од живот српскиот државјанин, го нападнал со нож и повеќепати замавнувал кон неговата глава и стомак.

— реклама —

Жртвата, обидувајќи се да ги заштити виталните делови од телото, се бранела со раката и при тоа се здобила со тешки телесни повреди. Понатамошниот напад бил спречен од друго лице, кое успеало да му го одземе ножот на напаѓачот.

— реклама —

По кривичната пријава поднесена од Полициската станица Пула, Обвинителството донело наредба за спроведување истрага за кривично дело обид за убиство.

— реклама —

Воедно, предложен е и истражен притвор поради опасност од бегство, а судија на Жупанискиот суд во Пула го прифатил предлогот и му одредил притвор на осомничениот.