ДУИ бара одговор: Дали возилото на заменик-директорот Даути било веднаш зад уапсениот царински функционер?

ДУИ бара МВР и Обвинителството да одговорат дали во моментот кога бил уапсен функционер на Царинската управа под сомнение за примање поткуп од 17.500 евра, веднаш зад неговото возило се наоѓало возилото на заменик-директорот на Царината, Мустафа Даути.

— реклама —

Од партијата велат дека во јавноста се појавила информација која, според нив, бара итно појаснување од полицијата.

„Дали е точно дека во моментот на апсењето, веднаш зад возилото на уапсениот се наоѓало возилото на заменик-директорот на Царинската управа, Мустафа Даути?“, прашуваат од ДУИ.

— реклама —

Партијата бара МВР да соопшти кој се наоѓал во возилото, зошто тоа било на местото во моментот на апсењето и дали Даути или лицата кои биле во возилото биле испрашувани во рамки на постапката.

— реклама —

ДУИ дополнително прашува дали надлежните истражуваат можна поврзаност на случајот со други лица во хиерархијата на Царинската управа.

„Кога службено лице е фатено на дело при примање поткуп поврзан со тендер, истрагата не смее да заврши само кај лицето кое ги примило парите. Мора да се расчисти целиот синџир: кој го организирал, кој знаел и кој стоел зад него“, порачуваат од ДУИ.

— реклама —

Од партијата бараат МВР и Обвинителството да излезат со, како што велат, јасни и целосни одговори за случајот.