ДУИ: Ја поздравуваме подготвеноста на ВМРО-ДПМНЕ за предвремени парламентарни избори

ДУИ ја поздрави подготвеноста на ВМРО-ДПМНЕ да се оди на предвремени парламентарни избори доколку за тоа има барање во Собранието.

— реклама —

Од партијата велат дека изјавата на премиерот Христијан Мицкоски, според која ВМРО-ДПМНЕ е подготвена за избори доколку тоа биде побарано во Собранието, претставува одговорен пристап кон барањето решенија преку институциите и волјата на граѓаните.

— реклама —

„ДУИ континуирано ја истакнува потребата од стабилна, функционална и легитимна влада, која ќе ја одразува политичката волја и легитимитетот на најголемите заедници во земјата“, соопшти партијата.

Од ДУИ додаваат дека институционалната стабилност и правичната застапеност се предуслови за справување со предизвиците со кои се соочува земјата.

— реклама —

Според партијата, подготвеноста за предвремени парламентарни избори претставува можност граѓаните повторно да го искористат своето право на избор и да се утврди политичкиот легитимитет.

— реклама —

„Во преден план треба да бидат интересот на граѓаните, политичкиот легитимитет и долгорочната стабилност на земјата“, наведуваат од ДУИ.