ДУИ: На космополитот Шашивари му треба време за правосудниот испит на албански, а побрза да ја прејудицира пресудата од Хаг

ДУИ преку соопштение го обвини министерот Јетон Шасивари дека применува различни критериуми во однос на прашањето за правосудниот испит на албански јазик и пресудата од Хаг за поранешните челници на ОВК.

Од партијата велат дека, и покрај повторените барања на студентите и протестите, за правосудниот испит на албански јазик на Шасивари му се потребни време и консултации, а решение најавува дури до октомври.

— реклама —

Од друга страна, според ДУИ, министерот реагирал за пресудата од Хаг уште пред таа да биде објавена.

— реклама —

„Ова е парадоксот на Шашивари: за конкретното право на албанските студенти бара време, додека за пресуда која сè уште не беше објавена, побрза да заземе став“, наведуваат од ДУИ.

Партијата потсетува и дека Шасивари, како професор, претходно го критикувал поранешниот министер Филков поради неговото противење на правосудниот испит на албански јазик.

— реклама —

Во реакцијата се наведува и дека, во однос на пресудата против челниците на ОВК, Шасивари својот став го оправдува со тоа што бил во согласност со „европските институции“, иако, како што посочуваат од ДУИ, протестите за ОВК траат седум дена.

„Седумдневните протести за ОВК не го убедија. Повторените барања на студентите не го убедија. За првото, за пресудата од Хаг, уште пред да ја знае нејзината содржина, имаше став. За второто, за правосудниот испит на албански јазик, дури и кога го чита законот, нема став!“, стои во реакцијата.

Од ДУИ на крајот побараа оставка од министерот Јетон Шасивари.