ДУИ на средба со американски конгресмен за Охридскиот договор

Делегација на Демократска унија за интеграција, предводена од партискиот лидер Али Ахмети,соопшти дека остварила средба со американскиот конгресмен Кит Селф.

— реклама —

На средбата се разговарало за политичките состојби во Македонија, значењето на Охридски рамковен договор, како и за, како што наведуваат од ДУИ, загриженоста околу неговата ерозија во институциите, стои во соопштението од ДУИ.

— реклама —

Во соопштението стои дека соговорниците оцениле дека Охридскиот договор останува темел на мирот, соживотот и мултиетничката демократија во државата, но и една од најзначајните стратешки инвестиции на Соединети Американски Држави во регионот.

— реклама —

Ахмети изразил благодарност за, како што се наведува, континуираната поддршка на САД за стабилноста, безбедноста и евро-атлантската ориентација на Македонија и Западен Балкан, стои во соопштението.

— реклама —

На состанокот била нагласена и потребата од заштита на демократските стандарди, почитување на Охридскиот договор и зачувување на мултиетничкиот карактер на државата како предуслов за долгорочна стабилност и европска интеграција.