ДУИ: Поминаа 24 часа, ВЛЕН сè уште молчи за предвремени парламентарни избори

Демократската унија за интеграција (ДУИ) преку соопштение обвини дека ВЛЕН и по 24 часа не се изјаснил за барањето за одржување предвремени парламентарни избори.

— реклама —

Од ДУИ велат дека оние кои, како што тврдат, го нарушиле легитимитетот добиен од граѓаните, сега молчат кога се бара повторно да ја побараат нивната поддршка на избори.

— реклама —

„ВЛЕН знае дека ја немал и ја нема поддршката на Албанците. Знае дека неговата власт се потпира врз милоста на политичките падрони и врз газењето на слободниот глас“, стои во партиското соопштение.

Од ДУИ порачаа дека доколку ВЛЕН навистина ја има поддршката од граѓаните, треба да го прифати барањето за предвремени избори.

— реклама —

„Ако добиле дозвола, нека ги прифатат предвремените избори“, велат од партијата.

ДУИ оценува дека молкот на ВЛЕН е одговор сам по себе и тврди дека партиите од коалицијата се плашат од соочување со граѓаните и од изборниот резултат.