ДУИ: Поскапува меѓуградскиот транспорт, директно се погодени студентите и граѓаните

Демократската унија за интеграција (ДУИ) преку соопштение реагира на зголемувањето на цените на меѓуградскиот превоз, оценувајќи дека со тоа најмногу се погодени студентите и вработените кои секојдневно патуваат меѓу градовите.

— реклама —

Од ДУИ посочуваат дека билетот од Тетово до Скопје, кој досега чинел 200 денари, сега е 250 денари, што според партијата претставува зголемување од 25 проценти по патување.

Според нивните податоци, месечните трошоци за превоз на лицата кои секојдневно патуваат се зголемиле од околу 5.500 на 6.500 денари, што дополнително ги оптоварува семејните буџети.

— реклама —

„Дали ова е политиката на ‘грижа за граѓанинот’ што ја нуди власта?“, прашуваат од ДУИ.

— реклама —

Партијата бара надлежните институции јавно да ги објаснат причините за поскапувањето и да преземат мерки за заштита на граѓаните, особено на студентите и вработените кои зависат од меѓуградскиот превоз.

Од ДУИ оценуваат дека наместо политики за подостапен јавен превоз и поддршка на граѓаните кои секојдневно патуваат, тие се соочуваат со зголемени трошоци.

— реклама —

„Граѓаните не можат да бидат тие што ќе ја плаќаат сметката за секој неуспех на власта“, наведуваат од ДУИ.