ДУИ: Продолжува етичкото пред етничкото - Касами го релативизира исклучувањето на Албанците

ДУИ преку соопштение реагира на изјавите на лидерот на Движењето Беса и градоначалник на Тетово, Билал Касами, во врска со присуството на Албанците на државните манифестации и при доделувањето државни признанија.

— реклама —

Од ДУИ оценуваат дека неговата изјава оти „понекогаш може да има помалку или повеќе“ Албанци на ваквите настани претставува обид да се релативизира, како што велат, нивното исклучување.

Според партијата, кога Албанците отсуствуваат од државните настани, одговорноста се префрла на комисиите, додека кога се бара еднаква застапеност, власта, како што тврдат, се повикува на различни оправдувања.

— реклама —

„Ова не е еднаквост. Ова е етичкото пред етничкото“, наведуваат од ДУИ.

— реклама —

Од партијата бараат на државните манифестации, при доделувањето државни награди и во државните програми да се обезбеди правична и соодветна застапеност на Албанците, во согласност со принципот на еднаквост и Охридскиот рамковен договор.

ДУИ посочува дека Албанците, според нив, не бараат привилегии, туку реална еднаквост и почитување на нивниот придонес во државата.

— реклама —

„Кога Албанците се исклучени, тоа не е „понекогаш помалку“. Тоа е дискриминација“, порачаа од ДУИ.