ДУИ: Шасивари го одложува решението - 12 албански кандидати и во октомври ќе го полагаат правосудниот испит на македонски јазик

ДУИ преку соопштение реагира дека прашањето за полагањето на правосудниот испит на албански јазик и натаму останува нерешено, иако Министерството за правда најавува средба со студентите и деканите на правните факултети.

Од партијата посочуваат дека во октомврискиот испитен рок правосудниот испит ќе го полагаат 52 кандидати на македонски јазик, од кои 12 се Албанци.

— реклама —

ДУИ оценува дека најавените консултации и средби не претставуваат решение, туку дополнително одложување на прашањето.

— реклама —

Од партијата потсетуваат дека министерот за правда Јетон Шашивари, во периодот кога бил професор, го критикувал тогашниот министер за правда поради, како што наведуваат, оневозможувањето на полагањето на правосудниот испит на албански јазик.

„Денес, како министер, наместо да го реши ова прашање, бара уште време, средби и консултации“, наведуваат од ДУИ.

— реклама —

Од партијата сметаат дека на албанските студенти не им се потребни нови ветувања, туку конкретно решение што ќе биде спроведено.

ДУИ бара од Шашивари да одговори зошто, доколку правосудниот испит на албански јазик навистина е „на пат кон решение“, 12 албански кандидати и во октомврискиот испитен рок ќе мора да го полагаат на македонски јазик.

Од ДУИ бараат прашањето да биде решено веднаш, наместо, како што наведуваат, да биде предмет на дополнителни одложувања.