Не е првпат ВЛЕН целосно да го брани или, уште поточно, да молчи пред Стоилковиќ и неговите скандали, односно пред неговите мегаскандали. ВЛЕН молчеше кога Стоилковиќ ја нарече Република Косово „Косово и Метохија“, велат од политичката паритја ДУИ.
„ВЛЕН молчеше за маршот на српски војници и полицајци во Република Северна Македонија.
ВЛЕН молчеше и за скандалозните изјави на министрите од Србија, дадени среде Северна Македонија, со кои се оспоруваше и омаловажуваше државната реалност на земјата.
ВЛЕН молчеше кога Владата на Република Северна Македонија, чиј дел се и самите тие, со државни почести го пречека Милорад Додик.
ВЛЕН молчеше и пред антизападните и проруските изјави на Додик.
ВЛЕН, исто така, конкретно помогна српската Алта банка да стане дел од банкарскиот сектор во земјата, додека е очигледно дека српските економски интереси и бизниси сè повеќе се шират во Северна Македонија.
Под владеењето во кое ВЛЕН е дел, и српскиот капитал се шири во земјата. Денес имаме и српски медиум кој дејствува во Северна Македонија. До каде ќе стигне ова влијание и ова навлегување, останува да се види.
Можеби оваа потчинетост на ВЛЕН кон Стоилковиќ има корени токму во зборовите на самиот Стоилковиќ, кој изјави дека само досега, два или трипати, претставниците на ВЛЕН ги „спасил“ од јавен срам.
И што се случи по оваа изјава? Ништо.
Ниту приговор. Ниту дистанцирање. Ниту реакција.
Напротив, ВЛЕН продолжува да биде во служба на Стоилковиќ: со неговите гласови, со неговата пропаганда и со оправдувањето на секоја негова одлука.
Дури и кога петмина албански администратори беа отпуштени од работа, ВЛЕН не го спречи Стоилковиќ и тој продолжи да ја ужива нивната заштита.
Денес, и случајот со српски службеник во Агенцијата за правата на заедниците се соочува со истата политичка заштита од ВЛЕН.
Затоа, прашањето е легитимно, а одговорот е сè појасен:
Што му должи ВЛЕН на Стоилковиќ, што секогаш го поддржува и го брани?
Затоа што постојаното молчење, политичката заштита и подготвеноста да се оправдува секој скандал не можат да бидат случајност.
ВЛЕН денес е заробена политичка структура, која наместо да ги брани интересите на албанските граѓани и државниот интерес на Северна Македонија, избра да молчи и да служи. Заробена не само од Стоилковиќ, туку и од влијанијата и интересите што тој ги претставува“, се вели во соопштението.
