ДУИ: „ВРЕДИ“ е измама од темел до врв

ДУИ преку соопштение обвини дека „Вреди“ е политички проект изграден врз измама и дека најавеното обединување на повеќе партии во еден политички субјект не е целосно спроведено.

— реклама —

Од партијата тврдат дека, и покрај претставувањето на „Вреди“ како обединет политички субјект, во Централниот регистар и натаму постојат одделни партии. Како пример го посочуваат Движењето БЕСА, за кое наведуваат дека и понатаму има статус на активна политичка партија, со Биљал Касами како претседател со неограничени овластувања.

— реклама —

Според ДУИ, името „Вреди“ се користи за политичко претставување и пропаганда, додека партиите, нивните раководства и структури продолжуваат да функционираат одделно.

Од партијата дополнително обвинуваат дека „Вреди“ пред граѓаните се претставувала како политичка промена, но, како што велат, наместо тоа донела „деградација“ и намалување на влијанието на албанскиот политички фактор.

— реклама —

ДУИ тврди и дека станува збор за политички проект чија цел е поделба на албанскиот политички глас и намалување на неговата политичка тежина. Во соопштението партијата отвора прашања и за начинот на функционирање, финансирањето и политичката поддршка на „Вреди“.

— реклама —

Од ДУИ оценуваат дека зад најавеното политичко обединување стојат одделни интереси и дека граѓаните, според нив, биле претставени со слика за единствен политички субјект која не соодветствува со состојбата во Централниот регистар.