Два супертанкера погодени од силни експлозии во Ормускиот Теснец

Два супертанкера за превоз на нафта биле онеспособени во силни експлозии во Ормускиот Теснец, откако не ги испочитувале предупредувањата да не ја користат, како што ја нарекуваат иранските власти, „неовластената рута“. Ова го соопшти морнарицата на Иранската револуционерна гарда.

— реклама —

Подоцна, иранските државни медиуми објавија дека двата танкера експлодирале откако удриле во морски мини, при што беа прикажани и снимки за кои се тврди дека ги документираат инцидентите.

— реклама —

Засега не е познато под чии знамиња пловеле бродовите.

— реклама —

Во текот на претходните месеци од американско-израелскиот судир со Иран, кој започна во февруари, морнарицата на Иранската револуционерна гарда соопштуваше дека директно напаѓала танкери. Во поново време, пак, известува дека пловилата се запалиле по удар во морски мини додека минувале низ рутата што Техеран ја означува како „неовластена“, во јужниот дел на стратешки важниот Ормуски Теснец.

— реклама —

Британската агенција за поморски трговски операции (UKMTO) во неколку наврати претходно извести дека танкери во теснецот биле погодени од проектили со непознато потекло.