Нови експлозии во Ормускиот Теснец: Иран тврди дека два танкера налетале на мини

Два нафтени танкера експлодирале откако налетале на мини во Ормускиот Теснец, додека се движеле по рута за која немале дозвола, соопшти морнарицата на Иранската револуционерна гарда (ИРГЦ).

— реклама —

Според соопштението, објавено од иранската телевизија „Прес“, на еден од бродовите, кој е супертанкер, по силната експлозија избувнал пожар. По инцидентите, двата танкера запреле на местото на настанот.

Иранската морнарица тврди дека бродовите намерно ги исклучиле системите за навигација и идентификација за тајно да поминат низ ограничената јужна рута, наводно со поддршка од американската војска.

— реклама —

Од ИРГЦ наведуваат дека танкерите ги игнорирале повеќекратните предупредувања и навлегле во опасна морска зона, со што, според иранската страна, ги прекршиле правилата за пловидба низ овој стратешки воден премин.

— реклама —

Засега не е соопштено под чии знамиња пловеле погодените танкери.

Иранските сили претходно повеќепати предупредиле дека секој брод што ќе ги исклучи системите за идентификација или ќе се обиде да помине без претходна координација ќе биде третиран како закана и ќе се соочи со одлучен одговор.

— реклама —