Танкер нападнат во Ормускиот Теснец, на трупот биле поставени две експлозивни направи

Танкер бил цел на напад во Ормускиот Теснец откако на неговиот труп биле поставени две експлозивни направи. Според Британската агенција за поморска трговија (UKMTO), пред нападот од левата страна на бродот се приближил мал чамец.

— реклама —

Екипажот е безбеден, пожарот што избувнал по нападот е изгаснат, а не е предизвикана ниту еколошка штета. Бродот продолжил да плови кон следното пристаниште.

— реклама —

Инцидентот се случил на околу 25 наутички милји североисточно од оманскиот град Касаб. Засега не е познато кој стои зад нападот.

— реклама —

Нападот се случува во период на зачестени инциденти врз трговски бродови во Ормускиот Теснец и неговата околина, по избувнувањето на конфликтот меѓу САД и Иран во февруари.

Техеран ги таргетира пловилата за кои тврди дека ги прекршуваат ограничувањата за минување низ овој стратешки морски премин, со цел да ја зајакне контролата врз него и да изврши притисок врз Вашингтон. Нападите ја загрозуваат пловидбата низ една од најважните светски рути за транспорт на нафта.