Двајца кандидати за претседател на РКЕ – Комисијата денеска ги разгледува пријавите

Комисијата за прашања на изборите и именувањата денеска ќе ги разгледува двете пријави за јавниот оглас за именување претседател на Регулаторната комисија за енергетика, водни услуги и услуги за управување со комунален отпад на Република Северна Македонија.

— реклама —

Според информациите, на огласот се пријавиле Ацо Ристов, поранешен градоначалник на Радовиш и Шамил Реџепи – вработен во РКЕ.

— реклама —

Оглас за претседател на РКЕ беше објавен откако Марко Бислимоски поднесе оставка, но функцијата ќе ја извршува до изборот на нов прв човек на Комисијата.

— реклама —

Согласно Законот за енергетика, по разгледување на пријавите, Комисијата за прашања на изборите и именувањата му предлага на Собранието, предлог кандидат за именување на претседател на Регулаторната комисија за енергетика.

— реклама —

Претседател на РКЕ, се очекува да биде избран на пленарната седница закажана за в среда.