Двајца малолетници затекнати зад волан без возачка дозвола во Прилепско

Двајца малолетници биле лишени од слобода во одвоени случаи во Прилепско и Битолско, откако полициски службеници утврдиле дека управувале мотоцикли без да поседуваат возачка дозвола.

— реклама —

Првиот случај бил регистриран на улицата „5 Прилепска Бригада“ во Прилеп, каде полициски службеници од ОВР Прилеп при сообраќајна контрола запреле мопед „Хамачи“ управуван од 17-годишник од селото Галичани. При проверката било утврдено дека малолетникот не поседува возачка дозвола, по што бил лишен од слобода.

— реклама —

— реклама —

Во вториот случај, на патот Битола–Прилеп, во близина на селото Беранци, полициски службеници од СВР Битола затекнале 16-годишен малолетник од селото Долно Српци како управува мотоцикл без регистарски ознаки и без возачка дозвола.

— реклама —

Од Министерството за внатрешни работи информираат дека по целосното документирање на двата случаи против малолетниците ќе бидат поднесени соодветни поднесоци.