Двајца работници загинаа утрово во тешка сообраќајна несреќа на брзиот пат Шабац–Лозница во Србија, откако врз нив налетало товарно возило со приколка.
Според информациите од српското Министерство за внатрешни работи, несреќата се случила околу 8 часот кај клучката Змињак.
Првичните информации укажуваат дека камионот удрил во двајцата работници од Јавното претпријатие за патишта „Ваљево“, кои изведувале работи за одржување на коловозот.
Според српските медиуми, возилото што го обезбедувало местото на работите било со вклучена светлосна сигнализација како предупредување за возачите.
На местото веднаш пристигнале екипи на Итната медицинска помош, пожарникари и полиција, но за двајцата работници немало спас.
Поради несреќата, сообраќајот на оваа делница е целосно во прекин, а надлежните вршат увид за утврдување на причините за трагедијата.
