Полициски службеници од СВР Тетово и Полициското одделение Групчин привеле две лица поради управување возила без возачка дозвола, а нивните возила биле одземени.
На 25 јуни во 15:10 часот во селото Порој, тетовско, полициски службеници од СВР Тетово го лишиле од слобода М.М. (27) од истото село. При сообраќајна контрола, полицајците запреле патничко возило „Фолксваген Голф“ со тетовски регистарски ознаки, кое го управувал М.М., при што било утврдено дека не поседува возачка дозвола.
Во друг случај, на 26 јуни во 01:05 часот во селото Стримница, полициски службеници од Полициското одделение Групчин го лишиле од слобода Е.С. (26) од селото Челопек. При контрола било констатирано дека тој управувал возило со тетовски регистарски таблички без да поседува возачка дозвола.
Во двата случаи возилата биле одземени, а по целосното документирање на настаните против лицата ќе бидат поднесени соодветни поднесоци.
