Две години од уривањето на настрешницата во Нови Сад: Помен за загинатите, студентите организираат комеморација

Денеска се навршуваат две години од уривањето на настрешницата на Железничката станица во Нови Сад, кога животот го загубија 16 лица, меѓу кои и три деца.

— реклама —

По тој повод, во Нови Сад денеска ќе се одржи комеморативен собир по повод годишнината од трагедијата, во организација на студентите.

— реклама —

Од својот профил на Фејсбук, „Студенти во блокада – Белград“ упатија повик за учество на комеморативниот собир во Нови Сад, посветен на сеќавањето на жртвите од уривањето на настрешницата на железничката станица.

„Студентите ве повикуваат во недела, 1 ноември 2026 година, да присуствувате на комеморативниот собир посветен на жртвите од уривањето на настрешницата на Железничката станица во Нови Сад. Заедно да го зачуваме сеќавањето на загинатите“, наведуваат студентите.

— реклама —

Собирањето ќе се одвива на три локации во Нови Сад: кај Медицинскиот факултет, во Лиманскиот парк и на пристапот до Дуговиот мост.

Настрешницата на Железничката станица во Нови Сад се урна на 1 ноември 2024 година, во 11:52 часот. На самото место загинаа 14 лица, додека три лица беа тешко повредени. Две од повредените лица подоцна им подлегнаа на повредите.